Во Албанија 736 заразени од „Ковид-19“, 422 излекувани, 28 починати, тестирани 7491

Во Албанија во последнито деноноќие регистриани се нови 10 случаи со „Ковид-19“ што е за четири помалку споредено со вчера и дури 20 случаи во однос на податоците од пред два дена. Со ново дијагностицираните вкупната бројка на заразени во земјата сега изнесува 736 лица. Во последните 24 часа тестирани се 212 сомнителни случаи а од десетте ново дијагностицирани дури девет се во Тирана.

Во истиот период во списокот на излекувани се најдоа уште 12 пациенти, со што бројката се зголеми на 422 или 57,3 отсто од вкупно заразените. Починати нема и бројката останува 28, изјави Мира Ракацоли заменик министерката за здравство и социјална заштита. Информираше дека од почетокот на март до сега тестирани се 7.491 сомнителни случаи а кај 736 од нив резултатите биле позитивни.

Во моментов во нашата земја, 286 или 42,7 отсто од вкупно заболените се активни со „Ковид-19“ и како што може да се види, процентот на закрепнување е поголем. Овој тренд продолжува повеќе од две неделипочинати нема и бројката останува на 28,рече Ракацоли. Во Инфективната клиника и во болницата „Шефќет Ндроќи“ хоспитализирани се 34 пациенти, од нив девет се на интензивна терапија,додека двајца интубирани. Поради оценката дека состојбата е стабилна од денес со одлука на Владата стапија во сила олеснувањата на рестриктивните мерки.