Во Елбасан убиени три лица во автомобил во движење

Во Елбасан, во вооружен напад врз возило во движење убиени се три лица, меѓу нив еден странец. Инцидентот се случил синоќа во 21:15 часот, кога три лица со калашњикови пукале во возилото,со италијански регистарск таблички, во кое се наоѓале жртвите. Се верува дека се било организирано бидејќи убијците го следеле возилото во кое биле убиените.

На самото место е убиен државјанин на Турција, кој во Албанија пристигнал во петокот. Другите две лица починале на пат кон градската болница. Тие се Е.А (34) и А.Д (25), кои живееле во странство а во родниот Елбасан биле дојдени за новогодишните празници.

Според полициски извори станува збор за конфликт меѓу криминални групи кои се занимавале со шверц на дрога. Големи полициски сили на кои им се приклучиле и припадниците на специјалната единица „Ренеа“,се распоредени во поширок периметар во делот од градот каде што се случил инцидентот. Се вршат контроли, како и други активности со цел пронаоѓање на сторителите и расветлување на случајот.

Advertisement