Во Сирија убиен руски генерал

Генерал Валериј Асапов воен советник со висок ранг во Сирија бил убиен во ракетен напад на ДЕАШ кај Дејризор во Сирија, јавува Раша тудеј. Раша тудеј се ослонува на соопштение на Министерството за одбрана на Русија во кое се вели дека генерал Асапов командант на 5 армија тешко бил повреден во ракетен напад на ДЕАШ, по што подлегнал на повредите.

Инаку генерал Асапов им бил советник на силите лојални на Бешар Асад во околината на Дејризор а во време на ракетниот напад на ДЕАШ се наоѓал во полскиот штаб. Во нападот загинале преведувачот на Асапов и уште двајца полковници. Асапов беше еден од руските воени советници со висок ранг во Сирија.