Албанија: Агенцијата за електронски и поштенски комуникации со закани за затворење на онлајн медиумите

Агенцијата за електронски и поштенски комуникации на Албанија (АКЕП) вчера им даде рок од три дена на 44 онлајн медиуми да извадат даночен број и да го објават на веб-страницата, што предизвика нов бран остри реакции од новинарската фела за притисок на власта врз медиумите. Наведените онлајн-медиуми се во најголем дел критичари на власта. Голем дел од замерките дека станува збор за политичка пресметка содржат и обвинување тврдат дека новиот потег на регулаторната агенција е незаконски, и покрај тврдењето во известувањето од АКЕП дека тоа е „во согласност со законските и регулаторните рамки“.

Заострувањето го најави албанскиот премиер Еди Рама во средата, кога преку својот Твитер-профил порача дека порталите треба да се легализираат преку регистрација кај даночните власти, како дел од акцијата против „клеветата“. Рама рече дека сака да постигне урбанизација на онлајн-џунглата. Во друг твит тој порача дека сите портали ќе добијат тужби ако објавуваат лажни вести и парите што ќе треба да ги платат ќе се наменуваат за детски градинки.

На списокот на повиканите се 44 онлајн медиуми е и партнер на БИРН, кој редовно објавуваше истражувачки стории за владина корупција. Наведен е и Exit.al, еден од опозициските портали, кој често пишува не само против владата, туку и против меѓународните организации  присутни во Албанија.