Македонија домаќин на Европското првенство во кајак на диви води

Република Македонија повторно ќе биде во центарот на кајак случувањата. Овој пат, во Скопје ќе се одржи Европското првенство во кајак на диви води, спринт и класик, во сениорска конкуренција. Со повеќе од 170 учесници од 18 држави, според сите најави, на Вардар и Матка ќе гледаме одлични трки со едни од најдобрите кајакари од стариот континент. „Голема е честа, но и одговорноста за организација на еден ваков настан каков што е Европско сениорско првенство во кајак на диви води во спринт и класик.

„Припремите за старт на Европското првенство во кајак на диви води е во завршна фаза. Очекуваме оклу 180 старта, што укажува на масовност на ова натпреварување, а за квалитетот зборува учеството на словакот Матеј Пенуш, второпласираниот на ОИ Рио, Нејц Ждинанчиќ од Словенија, Томислав Леко од Хрватска, како и одличниот тим од Франција, сите кои во моментов се во врвот на европскиот и светски врв, кажа Атанас Николовски.

Посебно е задоволството што овогодинешниот меѓународен календар на натпревари стартува токму од Македонија, која е домаќин на Европското јуниорско во 2018, но е и еден од посеризните кандидати за организација на светското сениорско кое е на календарот на натпревари во 2019. Македонскиот тим брои седум натпреварувачи од кои четворица во К1, 1 во Ц1 и двајца во Мастерс. Најмногу се очекува од Љубомир Спасиќ, вториот од европскиот куп во спринт.