Граничниот премин „Црна Скала“ е од голема важност за жителите на Пиринска Македонија, а работите, сепак цели 18 години не мрднале од мртва точка. За проектот во 2001 година се потрошија 1,7 милиони евра за пробивање, за тампонирање и за изградба на патот. Меѓутоа, како што вели делчевскиот градоначалник Горан Трајковски, подигнати се повеќе потпорни и заштитни ѕидови и останато е на тоа.

„Објаснувањето за стопирање на работите од македонска страна тогаш било дека проектот не е почнат од бугарска страна. Овој проект би бил од огромно значење за жителите од двете страни на границата бидејки со него се скратува патот до Софија за околу 40 километри и секако би бил од огромна корист за Македонците во бугарија за економски развој на регионот Пирин.