Еден од најзагадените европски градови, Скопје е пријавен за европската награда „Зелена престолнина на Европа 2021“. Наградата за зелена престолнина, заедно со наградата „Европски зелен лист 2020“ се доделуваат како признание на достигнувањата на градовите во нивните напори да ја подобрат својата локална средина и квалитетот на живеење, но и за иновативни решенија за борба со еколошките проблеми.

Градоначалникот на Скопје, Петре Шилегов информираше градот аплицирал за оваа награда. Конкуренти за „Европска зелена престолнина 2021“ се Будимпешта (Унгарија), Каљари (Италија), Дижон (Франција), Лахти (Финска), Лил (Франција), Стразбур (Франција), Тирана (Албанија) и Вастерас (Шведска).