Стерјовски и Колефски на средба со градоначалничката на општина Битола, Петровска

Лидерот на единствената партија на Македонците во Албанија, Македонска алијанса за европска интеграција, и пратеник во албанскиот парламент, Васил Стерјовски, градоначалникот на општина Пустец, Пали Колефски и Ефтим Митревски, оствариа работна средба со градоначалничката на општина Битола, Наташа Петровска. На средбата се разговара за продлабочување на соработката помеѓу двете општини и искористување на европските фондови за прекугранична соработка. Во рамки на прекуграничната соработка, ИПА 2, меѓу општина Пустец и Битола во тек е реализиацијата на проектот (SMART CUL TOUR) каде старата, училишна зграда во Глобочени, општина Пустец, каде се школувал големиот писател со македонско потекло, Стерјо Спасе, ќе прерасне во музеј.