Претседателот на македонското друштво “Илинден”-Тирана, Никола Ѓурѓај ќе учествува на Конгресот на Федералната унија на европски националности (ФУЕН), што ќе се одржи во во Печ, Унгарија од 7 до 10 септември 2023 година.

Кулите на катедралата, земјоделството, реките, виното и секако градот на многу малцинства сето тоа го карактеризира градот Печ, каде што ќе се одржи нашиот 67-ми конгрес на Федералната унија на европски националности (ФУЕН).

Домаќин оваа година е Националната самоуправа на унгарските Германци. „За нас е големо задоволство да служиме како место – по втор пат од 2008 година – и во исто време обврска што ја сфаќаме многу сериозно“ вели Иболја Хок-Енглендер, претседателка на организацијата домаќин. Печ со право може да се смета за достојна позадина за конгресот, бидејќи во него покрај Унгарците живеат различни националности Ерменци, Германци, Грци, Хрвати, Полјаци, Роми, Романци, Рутени, Срби и Украинци.

„Настанот е добра можност за Германците да го претстават своето патување од Конгресот во 1991 година во Будимпешта и да ни дадат увид во нивниот живот и институции во заедницата“, вели претседателот на ФУЕН, Лорант Винче.

Програмата вклучува теми како што се заштитата на малцинствата во ЕУ, улогата на малцинствата и ФУЕН во демократските општества и можностите за културна автономија. За време на сесиите на работните групи, учесниците ќе имаат можност да се сретнат и со претставници на другите националности кои живеат во Унгарија, па дури и да посетат некои од нивните културни и образовни институции во градот домаќин. На 9 септември ќе се одржи Собрание на делегати на кое ќе се разгледува изминатата година, ќе се гласаат за резолуции и апликации за членство и ќе се расправа за идните планови. Предвидени се и годишните состаноци на работните групи на ФУЕН.

Македонското друштвото ”Илинден”-Тирана член е на ФУЕН е од 16 мај 2015 година и е дел од работната група на словенските малцинства. Во овој период редовно учествува на Конгреси и други активности, а по предлог на друштвото усвоена е и Резолуција за положбата на македонското малцинство во Република Албанија.